ചേർത്തല
സൌത്ത് ഗ്രാമ പഞ്ചായത്ത്

പദ്ധതി പരിചയം

2005 സെപ്റ്റംബർ 5-ന് ഇന്ത്യൻ പാർഴളമെന്‍റ് പാസാക്കിയ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് നിയമം ഗ്രാമീണ മേഖലയിലെ അസംഘടിത തൊഴിലാളികൾക്ക് തൊഴിൽ അവകാശം ഉറപ്പാക്കുന്ന രാജ്യത്തെ ഏറ്റവും വലിയ സാമൂഹ്യ സുരക്ഷാ പദ്ധതികളിലൊന്നാണ്. സ്ത്രീ-പുരുഷ ഭേദമില്ലാതെ തൊഴിൽ എന്ന മൗലികാവകാശം സംരക്ഷിക്കുന്നതിനും വിഭവങ്ങളുടെ നീതിയുക്തമായ വിതരണത്തിനും തുല്യ ജോലിക്ക് തുല്യ വേതനം ഉറപ്പാക്കുന്നതിനുമുള്ള ശക്തമായ വ്യവസ്ഥകൾ ഈ നിയമത്തിൽ ഉൾപ്പെടുത്തിയിട്ടുണ്ട്.

ചേർത്തല തെക്ക് ഗ്രാമപഞ്ചായത്തിൽ തൊഴിലുറപ്പ് പദ്ധതിയിലൂടെ പ്രധാനമായും നടപ്പിലാക്കുന്ന പ്രവർത്തനങ്ങൾ:
തോടുകൾ, കാനകൾ, നീർച്ചാലുകൾ എന്നിവയുടെ ശുചീകരണവും സംരക്ഷണവും.
കുളങ്ങൾ, ജലസംഭരണികൾ എന്നിവയുടെ നവീകരണം.
മണ്ണ്-ജല സംരക്ഷണ പ്രവർത്തനങ്ങൾ.
കൃഷിയിട വികസനം, ജൈവകൃഷി പ്രോത്സാഹനം.
വൃക്ഷത്തൈ നട്ടുപിടിപ്പിക്കൽ, ഹരിതവൽക്കരണം.
ഗ്രാമീണ റോഡുകളുടെ പരിപാലനവുമായി ബന്ധപ്പെട്ട അനുമതിയുള്ള പ്രവൃത്തികൾ.
പൊതുസ്ഥലങ്ങളുടെയും സർക്കാർ സ്ഥാപനങ്ങളുടെയും പരിസര ശുചീകരണവും വികസനവും.
പദ്ധതിയുടെ പ്രധാന ലക്ഷ്യങ്ങൾ
ഗ്രാമീണ കുടുംബങ്ങൾക്ക് തൊഴിലും വരുമാനവും ഉറപ്പാക്കുക.
പ്രകൃതി വിഭവങ്ങൾ സംരക്ഷിക്കുകയും പരിസ്ഥിതി മെച്ചപ്പെടുത്തുകയും ചെയ്യുക.
കൃഷിക്കും ഗ്രാമവികസനത്തിനും സ്ഥിരമായ അടിസ്ഥാന സൗകര്യങ്ങൾ സൃഷ്ടിക്കുക.
സ്ത്രീകളുടെ തൊഴിലവസരവും സാമ്പത്തിക ശാക്തീകരണവും വർദ്ധിപ്പിക്കുക.
സുസ്ഥിര ഗ്രാമവികസനം ഉറപ്പാക്കുക.
ചേർത്തല തെക്ക് ഗ്രാമപഞ്ചായത്തിൽ തൊഴിലുറപ്പ് പദ്ധതി വിജയകരമായി നടപ്പിലാക്കുന്നതിലൂടെ തൊഴിലാളികളുടെ ജീവിതനിലവാരം മെച്ചപ്പെടുത്തുന്നതിനും ഗ്രാമത്തിന്റെ സമഗ്ര വികസനത്തിനും പരിസ്ഥിതി സംരക്ഷണത്തിനും നിർണായകമായ സംഭാവന ലഭിച്ചുവരുന്നു.