2005 സെപ്റ്റംബർ 5-ന് ഇന്ത്യൻ പാർലമെന്റ് പാസാക്കിയ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് നിയമം ഗ്രാമീണ മേഖലയിലെ അസംഘടിത തൊഴിലാളികൾക്ക് തൊഴിൽ അവകാശം ഉറപ്പാക്കുന്ന രാജ്യത്തെ ഏറ്റവും വലിയ സാമൂഹ്യ സുരക്ഷാ പദ്ധതികളിലൊന്നാണ്. സ്ത്രീ-പുരുഷ ഭേദമില്ലാതെ തൊഴിൽ എന്ന മൗലികാവകാശം സംരക്ഷിക്കുന്നതിനും വിഭവങ്ങളുടെ നീതിയുക്തമായ വിതരണത്തിനും തുല്യ ജോലിക്ക് തുല്യ വേതനം ഉറപ്പാക്കുന്നതിനുമുള്ള ശക്തമായ വ്യവസ്ഥകൾ ഈ നിയമത്തിൽ ഉൾപ്പെടുത്തിയിട്ടുണ്ട്.