ചേർത്തല
സൌത്ത് ഗ്രാമ പഞ്ചായത്ത്

നെൽകൃഷി, പച്ചക്കറി, കിഴങ്ങുവർഗ്ഗം, ചീര, മഞ്ഞൾ, ധാന്യങ്ങൾ, പയറുവർഗ്ഗങ്ങൾ, നാളികേരം, സുഗന്ധവിളകൾ എന്നീ കാർഷിക വിളകൾ ലഭ്യമായ മുഴുവൻ ഭൂമിയിലും കൃഷി ചെയ്ത് പരമാവധി ഉൽപ്പാദനം ഉണ്ടാക്കി ഭക്ഷ്യസ്വയംപര്യാപ്തതയിലേക്ക് പഞ്ചായത്തിനെ നയിക്കുക എന്നതാണ് കാർഷിക രംഗത്തെ ദീർഘകാല ലക്ഷ്യം.

പാലുൽപ്പാദനം, മുട്ട ഉൽപ്പാദനം എന്നിവയിൽ സ്വയംപര്യാപ്തത കൈവരിക്കുക, ആടുവളർത്തൽ പ്രോത്സാഹിപ്പിക്കുക, കന്നുകാലി രോഗങ്ങൾ നിയന്ത്രിക്കുക, വൃത്തിയുള്ള പാൽ ഉൽപ്പാദനം ഉറപ്പാക്കുക എന്നിവയാണ് പ്രധാന ലക്ഷ്യങ്ങൾ.

പഞ്ചായത്തിലെ സാമ്പത്തിക സ്വയംപര്യാപ്തത കൈവരിക്കുകയും 60% കുടുംബങ്ങൾക്കും സാമ്പത്തിക ഭദ്രത ഉറപ്പാക്കുകയും ചെയ്യുന്ന പദ്ധതികൾ ആവിഷ്കരിച്ച് നടപ്പിലാക്കുക എന്നതാണ് പ്രാദേശിക സാമ്പത്തിക വികസന രംഗത്തെ ദീർഘകാല ലക്ഷ്യം.

1. വ്യക്തിഗത / ഗ്രൂപ്പ് സംരംഭക പ്രവർത്തനങ്ങൾക്ക് സാമ്പത്തിക സഹായം.
2. തൊഴിൽ രഹിതരായ 1000 പേർക്ക് തൊഴിൽ ലഭ്യത ഉറപ്പാക്കുക.
3. നൈപുണ്യ വികസനവും പരമ്പരാഗത കൈത്തൊഴിലുകൾക്ക് പ്രോത്സാഹനവും.
4. സ്വയംതൊഴിലിന് ഇരുചക്രവാഹന സഹായം.
5. കാർഷിക ഉൽപ്പന്നങ്ങൾക്ക് പഞ്ചായത്ത് അടിസ്ഥാനത്തിൽ വിപണി.
6. പഞ്ചായത്ത് തലത്തിൽ സംരംഭകത്വ ക്ലബ്ബുകൾ രൂപീകരിക്കുക.

മത്സ്യത്തൊഴിലാളികൾക്ക് തൊഴിൽ, സുരക്ഷ, വാസസ്ഥലം എന്നിവ ഉറപ്പാക്കുക എന്നതാണ് മത്സ്യബന്ധന മേഖലയിലെ ദീർഘകാല ലക്ഷ്യം.

1. മത്സ്യത്തൊഴിലാളികൾക്ക് വല ലഭ്യമാക്കുക.
2. മത്സ്യത്തൊഴിലാളികളുടെ മക്കൾക്ക് ലാപ്ടോപ്പ് നൽകുക.
3. അലങ്കാര മത്സ്യ വിത്തുൽപ്പാദനവും വളർത്തലും പ്രോത്സാഹിപ്പിക്കുക.

പട്ടികജാതി മേഖലയിൽ സമ്പൂർണ്ണ ശുദ്ധജല ലഭ്യത ഉറപ്പാക്കുക, എല്ലാ ഭവനങ്ങളിലും സാനിറ്ററി കക്കൂസ് നിർമ്മിക്കുക, ഭവനവും സ്ഥലവും വിദ്യാഭ്യാസവും തൊഴിലും ഉറപ്പാക്കുക എന്നിവയാണ് ലക്ഷ്യം.

1. ശുദ്ധജല ലഭ്യതയ്ക്കായി വാട്ടർ ടാങ്ക്.
2. എല്ലാ ഭവനങ്ങളിലും സാനിറ്ററി കക്കൂസ്.
3. വിദ്യാർത്ഥികൾക്ക് പഠനോപകരണങ്ങളും പഠനമുറിയും.
4. ലൈഫ് പദ്ധതിയിൽ ഉൾപ്പെടുത്തി വീടും സ്ഥലവും.
5. സ്വയംതൊഴിൽ പ്രോത്സാഹിപ്പിക്കുന്ന പദ്ധതികൾ.
6. വിവാഹ ധനസഹായം.

സമ്പൂർണ്ണ കുടുംബക്ഷേമം, ജലജന്യ രോഗങ്ങളുടെ നിർമ്മാർജ്ജനം, സാംക്രമിക രോഗ നിവാരണം, ശുദ്ധജല ലഭ്യത എന്നിവ ഉറപ്പാക്കുക എന്നതാണ് ആരോഗ്യ മേഖലയിലെ പ്രധാന ലക്ഷ്യം.

1. ആയുർവേദ ആശുപത്രിയിൽ ഐ.ടി സംവിധാനം നടപ്പിലാക്കുക.
2. പ്രാഥമിക ആരോഗ്യകേന്ദ്രത്തിൽ കിടത്തി ചികിത്സയ്ക്കുള്ള സംവിധാനം.
3. എല്ലാ സബ് സെന്ററുകൾക്കും ആധുനിക കെട്ടിടങ്ങൾ.
4. സബ് സെന്റർ തലത്തിൽ പാലിയേറ്റീവ് കെയർ ക്ലിനിക്ക്.
5. എല്ലാ വീടുകളിലും ഗാർഹിക കുടിവെള്ള കണക്ഷൻ.
6. സാംക്രമിക രോഗ നിയന്ത്രണവും കൊതുക് നശീകരണവും.
7. എൻ.സി.ഡി ക്ലിനിക്ക്, എ.എം ക്ലിനിക്ക് എന്നിവ ശക്തിപ്പെടുത്തുക.
8. ജലനിർഗമന മാർഗങ്ങൾ സൃഷ്ടിച്ച് വെള്ളക്കെട്ട് ഒഴിവാക്കുക.
9. അടിസ്ഥാന സൗകര്യങ്ങളും മരുന്ന് ലഭ്യതയും ഉറപ്പാക്കുക.

ദാരിദ്ര്യ ലഘൂകരണ പ്രവർത്തനങ്ങൾ ശക്തിപ്പെടുത്തി കുടിൽരഹിത പഞ്ചായത്താക്കി മാറ്റുന്നതിനാണ് പ്രഥമ പരിഗണന.

വിദ്യാലയങ്ങളെ ജനശ്രദ്ധ ആകർഷിക്കുന്ന മാതൃകാ വിദ്യാലയങ്ങളാക്കി മാറ്റുക, കുട്ടികളുടെ കായികക്ഷമത വർദ്ധിപ്പിക്കുക, കലാവാസനകൾ പ്രോത്സാഹിപ്പിക്കുക, പാഠ്യനിലവാരം മെച്ചപ്പെടുത്തുക എന്നിവയാണ് പ്രധാന ലക്ഷ്യങ്ങൾ.

1. കുറുപ്പംകുളങ്ങര സ്കൂൾ കെട്ടിടം ഇരുനില കെട്ടിടമാക്കി മാറ്റുക.
2. എല്ലാ ക്ലാസ് മുറികളും സ്മാർട്ട് ക്ലാസ് റൂമാക്കുക.
3. വിദ്യാലയങ്ങൾക്ക് സ്വന്തമായി വാഹനം ലഭ്യമാക്കുക.
4. കലാ-കായിക വികസനത്തിനായി അധ്യാപകരെ നിയമിക്കുക.
5. വിദ്യാലയങ്ങളെ മികവിന്റെ കേന്ദ്രങ്ങളാക്കുക.

സ്ത്രീശാക്തീകരണത്തിലൂടെ സ്ത്രീകളെ സ്വയംപര്യാപ്തതയിലേക്ക് എത്തിക്കുകയും സ്ത്രീ സുരക്ഷ ഉറപ്പാക്കുകയും ചെയ്യുക എന്നതാണ് പ്രധാന ലക്ഷ്യം.

1. സ്ത്രീ സുരക്ഷാ പെൻഷൻ.
2. സ്ത്രീ ശാക്തീകരണം.
3. സ്വയംപര്യാപ്തത.
4. മനോധൈര്യം വളർത്തൽ.
5. സ്ത്രീകൾക്ക് സഞ്ചാര സ്വാതന്ത്ര്യം.
6. സ്ത്രീകൾക്കായി പൊതു ശുചിമുറികൾ.
7. വനിതാ ഹെൽപ്പ് ഡെസ്കുകൾ.
8. യോഗ പരിശീലനം.
9. സ്വയംരക്ഷാ പരിശീലനം.
10. വ്യായാമ പരിശീലന കേന്ദ്രങ്ങൾ.
11. മാനസികോല്ലാസ കേന്ദ്രങ്ങൾ.

എല്ലാ അങ്കണവാടികൾക്കും ആവശ്യമായ അടിസ്ഥാന സൗകര്യങ്ങൾ, ഹൈടെക് സൗകര്യങ്ങൾ, കളിസ്ഥലം, പൂന്തോട്ടം എന്നിവ ഒരുക്കുന്നതിനും വൃദ്ധപരിപാലന കേന്ദ്രങ്ങൾ, പകൽ വീടുകൾ, ബഡ്സ് സ്കൂൾ എന്നിവ വികസിപ്പിക്കുന്നതിനും പഞ്ചായത്ത് ലക്ഷ്യമിടുന്നു.

1. അങ്കണവാടികൾക്ക് ചുറ്റുമതിൽ, ടോയ്ലെറ്റ്, വൈദ്യുതി കണക്ഷൻ.
2. എല്ലാ അങ്കണവാടികൾക്കും കുടിവെള്ളം.
3. സ്ഥലമില്ലാത്ത അങ്കണവാടികൾക്ക് സ്ഥലം വാങ്ങി കെട്ടിടം.
4. സ്വന്തമായി സ്ഥലമുള്ള അങ്കണവാടികൾക്ക് കെട്ടിടം.
5. കളിസ്ഥലവും പൂന്തോട്ടവും.
6. ഹൈടെക് അങ്കണവാടികൾക്ക് അനുബന്ധ ഉപകരണങ്ങൾ.
7. ബഡ്സ് സ്കൂൾ സ്ഥാപിക്കൽ.
8. ഭിന്നശേഷിക്കാർക്ക് സൗകര്യപ്രദമായ അടിസ്ഥാന സൗകര്യങ്ങൾ.
9. വൃദ്ധപരിപാലന കേന്ദ്രങ്ങളും പകൽ വീടുകളും.

സേവനങ്ങൾ കൃത്യമായ സമയക്രമത്തിൽ പൊതുജനങ്ങൾക്ക് ലഭ്യമാക്കുക, പൊതുജനസംതൃപ്തി ഉറപ്പാക്കുക, ഘടക സ്ഥാപനങ്ങളുടെ അടിസ്ഥാന സൗകര്യങ്ങൾ മെച്ചപ്പെടുത്തുക, ഓൺലൈൻ സേവനങ്ങൾ വിപുലപ്പെടുത്തുക എന്നിവയാണ് ലക്ഷ്യങ്ങൾ.

1. പഞ്ചായത്തും ഘടക സ്ഥാപനങ്ങളും ഓൺലൈൻ സേവനങ്ങളിലേക്ക് മാറ്റുക.
2. ഹെൽപ്പ് ഡെസ്ക് സ്ഥാപിക്കുക.
3. എല്ലാ അങ്കണവാടികൾക്കും കെട്ടിടം.
4. ഘടക സ്ഥാപനങ്ങളെ ISO നിലവാരത്തിലേക്ക് ഉയർത്തുക.
5. ഗ്രാമവണ്ടി.
6. അറവുശാലയ്ക്ക് സ്ഥലം വാങ്ങുക.
7. പഞ്ചായത്ത് ഓഫീസിന് വാഹനം വാങ്ങുക.

പഞ്ചായത്തിലെ എല്ലാ വീടുകൾക്കും കുടിവെള്ള ലഭ്യത ഉറപ്പാക്കുക, ടോയ്ലെറ്റ്, സെപ്റ്റിക് ടാങ്ക്, ജൈവമാലിന്യ സംസ്കരണ സംവിധാനം എന്നിവ ഉറപ്പാക്കുക എന്നതാണ് ദീർഘകാല ലക്ഷ്യം.

1. കിണറുകളുള്ള വീടുകളിൽ കിണർ റീചാർജിംഗ് സംവിധാനം.
2. സെപ്റ്റിക് ടാങ്ക്, ടോയ്ലെറ്റ് ഇല്ലാത്ത വീടുകളിൽ സൗകര്യം ഒരുക്കുക.
3. ജൈവമാലിന്യ സംസ്കരണ യൂണിറ്റുകൾ സ്ഥാപിക്കുക.
4. മഴവെള്ള സംഭരണികൾ സ്ഥാപിക്കുക.

പട്ടികവർഗ്ഗ കോളനികളുടെ സമഗ്രവികസനം, എല്ലാവർക്കും ഭൂമിയും വീടും, കുടിവെള്ളം, തൊഴിൽ, വിദ്യാഭ്യാസ മേഖലയിലെ മുന്നേറ്റം എന്നിവയാണ് പഞ്ചായത്തിന്റെ ദീർഘകാല ലക്ഷ്യങ്ങൾ.

1. എല്ലാ കുടുംബങ്ങൾക്കും ഗാർഹിക കുടിവെള്ളം.
2. ഭൂരഹിത ഭവനരഹിതർക്ക് ഭൂമിയും വീടും.
3. വിദ്യാർത്ഥികൾക്ക് പഠനമുറിയും പഠനോപകരണങ്ങളും.
4. സ്വയംതൊഴിൽ പ്രോത്സാഹനം.

പൂർണ്ണമായും വെള്ളക്കെട്ടില്ലാത്ത റോഡുകൾ, റോഡ് പരിപാലനം, ബസ്‌ബേ, റോഡ് വശങ്ങളിലെ ഗാർഡനിംഗ്, പൊതുകളിസ്ഥലം, അടിസ്ഥാന സൗകര്യ വികസനം എന്നിവയാണ് പ്രധാന ലക്ഷ്യങ്ങൾ.

1. എല്ലാ അങ്കണവാടികൾക്കും ഹൈടെക് കെട്ടിടങ്ങൾ.
2. റോഡുകൾ സഞ്ചാരയോഗ്യമാക്കൽ.
3. മഴവെള്ള സംഭരണികൾ സ്ഥാപിക്കൽ.
4. കുടുംബശ്രീ CDS-ന് കെട്ടിടവും പാർക്കിംഗ് ഏരിയയും.
5. പൊതു കളിസ്ഥലം / സ്റ്റേഡിയം നിർമ്മിക്കൽ.
6. സോളാർ സംവിധാനം, ബയോഗ്യാസ് പ്ലാന്റുകൾ, LED ലാമ്പുകൾ.
7. ഊർജ്ജസംരക്ഷണ ബോധവൽക്കരണ ക്ലാസുകൾ.
8. കരിപ്പയിൽചാൽ നീരൊഴുക്ക് മെച്ചപ്പെടുത്തുന്നതിനുള്ള പ്രവർത്തനങ്ങൾ.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ സാധ്യതകൾ പരമാവധി ഉപയോഗപ്പെടുത്തി പരിസ്ഥിതി സംരക്ഷണം ഉറപ്പാക്കുക എന്നത് പഞ്ചായത്തിന്റെ വികസന തന്ത്രത്തിന്റെ പ്രധാന ഭാഗമാണ്.